Luoikannjuolggadusat Ubmejeguovllu girjerádjosiidda

Buresboahtin Ubmejeguovllu girjerádjosiidda

• Bjurholm
• Nordmelikse
• Robertsfors
• Ubmeje
• Vudtele
• Vännäs

Visot álbmotgirjerádjosiin Ubmejeguovllus sáhtát luoikat nuvttá.
Dus lea vejolašvuohta girjjiide, áviissaide, áigečállosiidda, internehtti, dihtorvuorkkáide, diehtočoahkkáldagaide, servodatdieđuide  ja earáide.
Máŋga girjorádjosiin lea maid musihka ja filmmat.

Jeara fal! Bargit veahkehit du buoremus  lági mielde. Girjerájus váldá mielas vuostá evttohusaid maid galget oastit.

Luoikangoarta

Jus galgá luoikat dárbbaha luoikangoartta. Dan oaččut go vuosehat dohkálaš legitimašuvnna mas lea du govva.
Go čálát vuollái luoikangoartta de seammás dohkkehat čuovvut girjerádjosa luoikannjuolggadusaid.

Mánát sáhttet oažžut luoikangoartta 6 jagi rájis.

Luoikangoarta galgá álo leat mielde go luoikkat!

Luoikangoartta doaibmá visot álbmotgirjerádjosiin Ubmejeguovllus.

Dieđut du áigeguovdilis luoikamiid ja várremiid registrerejuvvot oktasaš dihtorvuogádahkii Ubmejeguovllu girjerádjosiidda.

Dat mearkkaša ahte dieđut mat gullet Sekreteassaláhkii leat rabas visot girjerádjosiid bargiide Ubmejeguovllus. Girjerádjosiid bargiin lea jávohisvuođageatnegasvuohta Sekreteassalága, kap. 9 § 22, jelgii.

Girjerájus viežžá persovdnadieđuid SPAR:s, stáhtalaš persovdnaregistaris. Dat dieđut mat mis leat lea namma ja čujuhus.
Jus leat álbmotčálihuvvon Ruoŧas du čujuhus rievdá min registaris go ilmmuhat čujuhusrievdama álbmotčáliheami dahje vearrodoaimmahaga bokte.
Girjerájus dárbbaha áigeguovdilis čujuhusaid vai sáhttá sáddet dieđuid várremiid, muittuhusaid maŋiduvvon girjjiid ja rehkegiid birra.

Ovddasvástádus luoikamii

Luoikangoarta lea persovnnalaš árvobábir.
Dat mearkkaša ahte dus lea ovddasvástádus das mii luikojuvvo goarttain.
Girjjit ja eará materiálat maid luoiká galget guđđojuvvot ruovttoluotta rievttes áiggis ja ollisin.
Vánhemiin lea ovddasvástádus mánáidis luoikamiin.

Ilmmut dakkaviđe soames girjerádjosii jus leat láhppán iežat luoikangoartta.
Jus soamis eará lea luoikan du goarttas sáhtát šaddat máksit buhtadusa.
Oaččut ođđa goartta go mávssát das.

PIN-Koda

Okta PIN-koda galggalii čadnot gortii.

Koda doaibma dego beassansátnin go galggat logget sisa min webbasadjái.
Webbasajis sáhtát dárkkistit iežat beaivvi du luoikamiidda, várret ja luoikat ođđasit. Sáhtát maid ohcat dihtorvuorkkás, ja viežžat musihka ja e-girjjiid.
Don dárbbahat koda jus galggat diŋgot dihtoriid ja joavkolanjaid.
Girjerádjosiin mas lea iešbálvalus dárbbahuvvo koda vai galgá máhttit luoikat.

Luoikanáigi

Maŋemus beaivi guođđit ruovttoluotta oainnát luoikanguittes.
Sáhtát maid oaidnit iežat luoikamiid go logget sisa min webbasadjái.
Luoikanáiggi guhkkodat lea gitta das maid luoikkat.
Materiálain main ollusat jearuhit lea oanibut luoikanáigi.
Jus lea čállán iežat e-boastta čujuhusa webbasadjái de oaččut muittuhusa ovdal go luoikanáigi lea gollan.

Nuppádis luoikat
Sáhtát nuppádis luoikat girjerádjosis, telefovnna bokte dahje girjerádjosa webbasajis.
Jus luoikat nuppádis maŋŋil go luoikanáigi lea gollan šattat máksit maŋŋonandivaga.
Sáhtát guhkidit luoikanáiggi vihtta gearddi.
Materiálat mat máŋgasat jearuhit dahje mas lea oanibut luoikanáigi ii mana luoikat nuppádis.

Várren

Háliidat go luoikat girjji maid soamis lea luoikan sáhtát várret dan.
Oaččut dieđu goasse máhtát viežžat girjji.

Maŋŋonandivat

Girjerájus váldá maŋŋonandivaga girjjiide ja eará materiálaide mat buktojuvvo ruovttoluotta ila maŋŋit.
Divagiid sáhtát oaidnit maŋemus siiddus dán girjjážis.

Maŋŋonandivaga mávssát dan beaivvi rájis go deavddát 18 jagi.
Divaga galggalit máksit go guođát ruoktot dan mii lea maŋiduvvon. Jus it leat máksán divaga báhcá máksimuš luoikangortii.

Jus divagat oktiibuot lea 50 ruvnnu dahje eanet de luoikangoarta giddejuvvo dassážii go diva lea máksojuvvon.
Supmi sáhttá fakturerejuvvot maŋŋil. Dalle lasihuvvo fakturerengollu.

Jus materiálat eai guđđojuvvo ruovttoluotta maŋŋil guokte muittuhusa, de sáddejuvvo rehket ja luoikangoarta giddejuvvo.

Rehkegat mánáide ja nuoraide nuorabut go 18 jagi sáddejuvvot fuolaheaddji lusa.

Divagat ođđajagimánu 1 beaivvi 2009 rájis

MAŊŊONANDIVAGAT

2 ja 4 vahku luoikan
Okta beaivi divaga haga maŋŋil ruovttoluottaguođđinbeaivvi,
dan maŋŋil    2 ruvnnu volymas ja beaivvis
Alimus divat     100 ruvnnu volymas

1 vahku luoikan
Okta beaivai divaga haga maŋŋil ruovttoluottaguođđinbeaivvi,
dan maŋŋil    5 ruvnnu volymas ja beaivvis
Alimus divat     100 ruvnnu volymas

Alimus divat juohke ruovttolottaguođđinhávis 300 ruvnnu

• Máŋŋonandivat mákso dan beaivvis go lea deavdán 18 jagi
• Máná- ja nuoraidgirjjiide ii leat máŋŋonandivat
• Girji-Boahtá-luoikan (Boken-Kommer-lån), luoikan jietnagirjjiin, ja luoikan boaittobealreiveguoddis ja luoikan Girjebussas (Bokbussen) ii leat maŋŋonandivat

REHKET

Láhppon girji     Árvvoštallama jelgii
Maŋŋonandivat    geahča bajil
Hálddahuslaš divat    50 ruvnnu juohke volymas

RUOVTTOLUOTTAGUOĐĐIN MAŊŊIL REHKEGA

Maŋŋonandivat    geahča bajil
Hálddahuslaš divat    50 ruvnnu juohke volymas

EARÁ DIVAT

Buhtadus billašuvvan materiálas  árvvoštallama jelgii
Láhppon luoikangoarta   rávesolmmoš 20 ruvnnu
      mánná 10 ruvnnu
Kopiijat ja čáliheamit   2 ruvnnu
Gáiddusluoikamat Davviriikkas  25 ruvnnu
Olgoriikaluoikan Davviriikka olggobealde, girjjit  150 ruvnnu volymas
Olgoriikaluoikan Davviriikka olggobealde, artihkkalat  75 ruvnnu volymas
Girkovuorkábáhpirat SPAR   20 ruvnnu volymas
      + 25 ruvnnu juohko diŋgomis