Luoikandieđut

Juohke jagi leat eanet go miljuvnna luoikama girjárádjosiin Ubmejeguovllus. Visot máid dárbbaha lea luoikangoartta.

Visot 25 girjerádjosiin Ubmejeguovllus lea oktasaš luoikangoarta ja luoikanvuogádat. Dat mearkkaša ahte sáhtát luoikat, diŋgot materiálaid dahje guođđit ruoktot váikko makkár girjárádjosis guovllus. Mii sáddet girjjiid ja eará máteriálaid girjerádjosiid gaskkas, visot vai dutnje luoikajeaddjin šaddá nu álki go vejolaš.

Luoikangoarttain Ubmeje guovllus sáhtát:

• luoikat máná- ja rávesolbmogirjjiid
• luoikat áigečállagiid/áviissaid
• luoikat jietnagirjjiid ja hupmangirjjiid
• luoikat musihkka-CD
• luoikat videofilmma DVD:s dahje VHS:s
• várret dihtora iežat girjerádjosis ja surfet interneahtas
• dutkat iežat soga birra min sohkadutkanlanjas ja vuorkkáin
• ohcat dieđuid min digitála diehtočoakkáldagas ja vuorkkáin

Min oktasaš webbasajis minabibliotek.se sáhtát dasa lassin:

• Oaidnit du iežat luoikamiid ja luoikat ođđasit
• Ohcat ja várret girjjiid
• Geahččat makkár doaluid girjerádjosat lágidit
• Lohkat rávvagiid, fáttaid ja artihkkaliid čáppagirjjálašvuođas ja kultuvrra máilmmis
• Buktit iežat rávvagiid ja teavsttaid
• Bidjat árvosániid, nammamerkkaid ja ráhkadit favorihttalisttuid
• Oažžut oktavuođa eará luoikajeddjiiguin

Jus materiála maid dárbbahat ii gávdno ovttage Ubmejeguovllu girjerádjosis, sáhtát luoikat eará girjerádjosiin, nu gohččoduvvon gáiddusluoikan.