Löönemenjoelkedassh
Upmejedajven gærjagåetiej löönemenjoelkedassh.
Gaajhkh gærjagåetine Upmijedajvesne maahtah namhtah löönedh. Dov leah gærjah, avijsh, tjaalegh, gaskeviermie, daatabaash, bïevneshgærjah, sïebredahkebïevnesh jienebh jienebe. Jïjnjh gærjagåetiej aaj musihkh jïh filmh.
Gijhtjh jis sïjhth! Dah barkijh sijhtieh datnem bööremes vuekesne viehkietidh. Uvtedh gærjagåatan uvtelassem maam sïjhth dah gelkieh åestedh.
Löönemekåarhte
Jis sïjhth löönedh dellie löönemekåarhtem daarpesjh. Dïhte åadtjoeh jis legitimasjovnem guvvine vuesiehtidh. Gosse nuelesne tjaalah dellie datne jååhkesjh gærjagåetien löönemenjoelkedassi mietie löönedh.
Maanah maehtieh löönemekåarhtem åadtjodh gosse 6 jaepien illeme.
Tjoerh löönemekåarhtem meatan vaeltedh gosse maam akt’ löönedh!
Löönemekåarhtem maahtah gaajhkine Upmejedajven gærjagåetine nuhtjedh.
Bïevnesh dov löönemi bïjre jïh dængkomh tjaalasuvvieh ektie daataöörnegisnie Upmejedajven gærjagåetide. Destie båata bïevnesh mah Sekretesslaaken mietie gååvnesieh gærjagåetiej barkijidie Upmejedajvesne. Gærjagåetiej barkijh Sekretesslaaken, kap. 9 § 22:en mietie berkieh.
Gærjagåetie persovnebïevnesh SPAR:este, staaten persovneårromesijjielæstoe. Dah bïvnesh mijjen leah nommem jïh orremesijjiem. Jis datne leah Sveerjesne tjaalasovvedh dov orremesijjiem mijjen læstosne jeatjahtehtedh gosse datne orremesijjiem jeatjahtehtedh folkbokföringen jallh skaehtiereeremen baaktoe. Gærjagåetie daarpesje dov daaletjen påastesijjjieh juktie maahta seedtedh bïvnesh dængkomi bïjre, narhtomh gærjah mah gelkieh bååstide jïh reeknegh.
Dïedte löönemen åvteste
Löönemekåarhte lea dov vierhtie-aate. Destie båata dov dïedtem lea gaajhkem maam dennie kåarhtesne löönie.
Gærjah jïh jeatjah materijalh maam löönh gelkieh bååstide vedtedh reaktoes aejkiemieresne jïh emties. Åeliej dïedte jis maanah löönieh.
Jis löönemekåarhtem gaarvenih tjoerh dallegh gærjagåetiem bieljelidh. Jis naan jeatjah dov kåarhtesne löönie dellie datne mahte maahtah böötedh. Datne orre kåarhtem åadtjoeh maaksoen åvteste.
PIN-kode
PIN-kodem byöroe löönemekåarhtese tjatnedh.
Dïhte kode lea goh tjeakoesbaakoe gusnie mijjen webbesæjjan galkh sïjse loggedh. Webbesijjesne maahtah daatoem dov löönemidie vaaksjodh, dængkodh jïh löönemidie orrestidh. Maahtah aaj daatabaaside ohtsedh, musihkh jïh e-gærjah veedtjedh.
Datne kodem daarpesjh jis sïjhth daatovrem jïh tjïertetjiehtjelem dængkodh. Gærjagåetieh gusnie jïjtje maahtah löönedh desnie kodem daarpesjh jis galkh maehtedh löönedh.
Löönemetïjje
Minngemes biejjie löönemh bååstide vadtah datne löönemeleahpam vuajnah. Maahtah dov löönemh vuejnedh gosse mijjen webbesijjesne.
Löönemetïjje jeatjahtahta destie maam löönh. Materijali mah jïjnjh sijhtieh leah åenehkåbpoe löönemetïjje. Jis dov e-påastesijjiem webbesijjesne tjeelih dellie dïjrem åadtjoeh åvteli löönemetïjje nåhka.
Löönemh orresth
Datne maahtah löönemh orrestidh gærjagåetine, telefovnine jallh gærjagåetien webbesæjrosne.
Jis löönemem orrestidh löönemetïjjen mænngan dellie datne tjoerh dan åvteste maeksedh.
Datne maahtah löönemetïjjem vïjhte aejkien orrestidh. Materijalh mah jïjnjh sijhtieh jallh man lea åenehks löönemetïjje ih maehtieh orrestidh.
Dængkome
Jis sïjhth gærjam löönedh maam joe jeatja lea lööneme maahtah dam dængkodh. Datne dïjrem åadtjoeh gosse maahtah gærjam veedtjedh.
Seejnesbööte
Gærjagåetie vaalta seejnesböötem gærjaj jïh jeatjah materijalh maam seejnes bååstide buektedh.
Datne seejnesböötem maaksah gosse 18 jaepien illeme.
Böötem maaksah gosse bååstide buaktah maam seejnes lea. Jis ih maeksieh dellie böötem dov löönemekåarhtesne.
Jis böötem stuerebe goh 50 kråvnah dellie ih maehtieh löönemekåarhtem nuhtjedh.
Mijjeh maehtebe aaj dam faktureredh. Dellie dan lissine faktureremebööte.
Jis ih materijalidie bååstide buektieh göökte mojhtelimmi mænngan dellie reeknegem seedtebe jïh ih dov löönemekåarhtem maehtieh nuhtjedh.
Reeknege maanese jïh noerese gie ij leah 18 jaepien illeme åelide seedtebe.
Seejnesbööth tsiengelen 1. biejjeste 2009
Seejnesbööt
2 jïh 4 våhkoej lööneme
Akte namhtah biejjie bååstidedaatoen mænngan
dan mænngan 2 kråvnah volyme jïh biejjie
stööremes bööte 100 kråvnah volyme
1 våhkoem lööneme
Akte namhtah biejjie bååstidedaatoen mænngan
dan mænngan 5 kråvnah volyme jïh biejjie
stööremes bööte 100 kråvnah volyme
stööremes bööteakti bååstideveajkoej 300 kråvnah
• Seejnesböötem maaksah gosse 18 jaepien illeme
• Maana- jïh noeregærji åvteste ih seejnesböötem maeksieh
• Boken Kommer-löönemen, sopstimmiegærjah löönemen jïh löönemi Gærjabussesne åvteste ih daarpesjh seejnesböötem maeksedh.
Reeknege
Laehpeme gærja dan vierhtie
seejnesbööte vuejnieh dan bijjelen
Administratijve bööte 50 kråvnah volyme
Jis bååstide buaktah reeknegen mænngan
Seejnesbööte vuejnieh dan bijjelen
Administratijve bööte 50 kråvnah reeknege
Jeatjah bööth
Jis materijalem urhtsehtallah dan vierhtie
Löönemekåarhtem laahpah geerve 20 kråvnah, maana 10 kråvnah
Kopijh jïh tjaeliehtimmieh 2 kråvnah
Guhkedelööneme Nordenisnie 25 kråvnah
Ålkoelaantelööneme Norden ålkoelisnie, gærjah 150 kråvnah volyme
Ålkoelaantelööneme Norden ålkoelisnie, artihkelh 75 kråvnah artihkele
Gærhkoe-arkivalierh SVAR 20 kråvnah volyme + 25 kråvnah dængkomem